السلام عليكم ورحمة الله وبركاته.. بالنسبة لمنطقة النزهة 2 او الجديدة ليه الاسعار فيها اقل من اي سعر شقة في البلد كلها وهل الارض اللي بيمتلكها اصحابها هناك فيها مشكلة

عليكم السلام ورحمة الله وبركاته في الحقيقة هنا خلط غريب بين مطقة النزهه الجديدة والتي تتبع حي النزهه - مصر الجديدة ومنطقة النزهه الجديدة 2 التي تتبع حي السلام غالب....ولتحديد الفرق بين الاثنين حضرتك لو تخيلت نفسك ماشي في جسر السويس وعديت محطة الجراج في اتجاه العاشر سوق تكون حديقة بدر ومحطة وطنية علي الجهه الشمال وهذه المنطقة وتشمل شارع الاربعين والخمسين ولمنطقة خلف برتي بدار وصولا الي شارع جمال عبد الناصر البائعين واصحاب المشاريع بيطلقوا عليها اسم النزهه 2 وبالتالي اسعارها تختلف كليا وجزئيا عن منطقة النزهه 1 والتي هي يمين الطريق وتشكل شارع طه حسين وجوزيف تيتو وملاهي السندباد ...طبعا اسعارها مختلفة...والله اعلم

منطقة غير راقية بالمرة، المرافق والخدمات شبه مفقودة، كل الكهرباء ممارسة ولا توجد عدادات رسمية، جميع المباني غير مرخصة، جميع الطرق غير ممهدة ولا مسفلته، مدخل المنطقة من خلف مدينة بدر صعب جدا، يمر على عشش الزبالين وبياعين الروبابكيا، ولك أن تتخيل المنظر اللي لازم تشوفه إجباري يوميا! لا توجد حصة للمشتري في الأرض، متوسط سعر المتر من 1500 إلى 2000 جنيه

لأنها اولا اسمها أرض ابورجيلة ومنطقة ردئية جدا جدا وكان في منازعات بين الحكومة وواضعي اليد ايام مبارك وليس بها اي تراخيص ومباني ابراج موت بدون اي اساس يتحمل هذه الارتفاعات او اي إشراف هندسي

السلام عليكم ورحمة الله وبركاته الاجابه ان الجزء المسمي بالنزهه 2 يتبع في الحقيقة قسم السلام ويشمل منطقو الاربعين وخلف حديقة بدر وشارع الخمسين ويمتد حتي المنطقة خلف مصنع برتي بدار من جسر السويس وبالتالي الاسعار مختلفة عن منطقة النزهه الجديده الاصلية التي تتبع حي النزهه مصر الجديدة

لانه يوجد بعض العقارات بدون حصة بالأرض

السعر اقل عشان المنطقة مش مرخصة والعماير فيها من 10 الى 12 دور فطبيعى التكلفة بتقل